माओवादी जिल्ला कमिटी सदस्यसहित दर्जनौं एमालेमा प्रवेश

कर्णालीपत्र संवाददाता २६ आश्विन २०७८, मंगलवार १६:५१

सुर्खेत । नेकपा माओवादी केन्द्र सुर्खेतका जिल्ला कमिटी सदस्य मोहन सुनार नेकपा एमालेमा प्रवेश गरेका छन् ।

उनीसँगै माओवादी केन्द्रबाट उपत्यका खानेपानी संस्थाको स्किम नं ७ का निर्वाचित सचिव चन्द्रपसाद न्यौपाने, हरिकला चपाई, पवित्रा चपाई, अम्विका आचार्य, भवानी पौडेल, नेपाली कांग्रेसका क्रियाशील सदस्य लक्ष्मीप्रसाद लामिछाने र लक्ष्मीप्रसाद सापकोटालगायतले आजबाट एमाले रोजेका हुन् ।

एमाले वीरेन्द्रनगर नगरपालिका-२ नम्बर वडा कमिटीले आयोजना गरेको चियापान कार्यक्रममा नवप्रवेशीलाई एमाले अनुशासन आयोगका सदस्य बालाराम शर्माले स्वागत गरे ।

नव प्रवेशी सुनारले माओवादीले सुकुम्बासी र गरिव जनताको एजेन्डा छाडेर वर्ग शत्रु मान्दै आएको कांग्रेसको पछि लागेकोले आफू सो पार्टी छाडेको बताए ।

Leave a Reply

Your email address will not be published. Required fields are marked *

Next Post

अपडेट : मुगु बस दुर्घटनामा मृत्यु हुनेको संख्या २८ पुग्यो

२६ आश्विन २०७८, मंगलवार १६:५१
सुर्खेत । मुगुमा बस दुर्घटना  मृत्यु हुनेको संख्या २८ पुगेको छ । २४ जनाको घटनास्थलमै र ४ जनाको उद्धार गरी ताल्चा विमानस्थल पुर्‍याउने क्रम्मा मृत्यु भएको कर्णाली प्रदेश प्रहरी कार्यालयका प्रहरी निरीक्षक जीवन लामिछानेले जानकारी दिए । सुर्खेतबाट मुगुको सदरमुकाम गमगढीतर्फ गएको भे १ ख ३१६७ नम्बरको बस छायाँनाथ रारा […]