अध्यक्ष नआएको भन्दै वीरेन्द्रनगरको वडा कार्यालयमा लगाइयो आगो

कर्णालीपत्र संवाददाता ६ आश्विन २०७८, बुधबार १८:५४

सुर्खेत : सुर्खेतको वीरेन्द्रनगर नगरपालिका-१ को वडा कार्यालयमा आगजनी गरिएको छ। बुधबार बिहान १० बजेतिर वडा कार्यालयमा आगजनी गरिएको हो। सेवाग्राहीले वडा अध्यक्ष कार्यालय समयमा नआएको भन्दै आगजनी गरेका हुन्।

कसले आगजनी गरेको भन्ने खुलेको छैन। वडा अध्यक्ष गंगाराम सुनारका अनुसार आगजनी गर्नेविरूद्ध जिल्ला प्रहरी कार्यालयमा जाहेरी दिने तयारी गरिएको छ।

‘को हो भनेर अहिले भन्न भएन, अहिलेसम्म पक्राउ पनि परेको छैन,’ अध्यक्ष सुनारले भने, ‘प्रहरीमा म जाहेरी दिन जाँदैछु, त्यसपछि प्रहरीले पक्राउ गर्ला।’

उनका अनुसार वडा अध्यक्षको कार्यकक्षका कुर्ची, टेबुल, सोफालगायत सबै सामान र कागजात जलेका छन्। राजश्व फाँट र कम्प्युटर कक्षका विद्युतीय तार काम नलाग्ने गरी जलेको उनले जानकारी दिए।

‘बिहान कोपिला भ्यालि स्कुलको कार्यक्रम भएर  म त्यहाँ अतिथिका रूपमा गएको थिएँ, १० बजेर ४ मिनेटमा मेरो अफिसकै ल्यान्डलाइनबाट फोन आयो,’

अध्यक्ष सुनारले भने, ‘उहाँले कार्यालय समय भयो तपाईं किन आउनुभएन भनेर सोध्नुभयो, मैले म कार्यक्रममा भएकोले कार्यवाहक वडाध्यक्ष आएर गर्नुहुन्छ भनेको थिएँ।

पछि त पेट्रोल पम्पबाट पेट्रोल ल्याएर जलाइसकेछन्।’ वडाध्यक्ष सुनारका अनुसार महिला वडा सदस्य बुद्धिसरा सुनार कार्यवाहक वडा अध्यक्ष छन्।

आफूले नै गर्नुपर्ने काम भए पनि केही समय कुर्न भनेको उनले बताए।

Leave a Reply

Your email address will not be published. Required fields are marked *

Next Post

एकीकृत समाजवादीका पदाधिकारी: यी हुन् ४ उपाध्यक्ष, ३ उपमहासचिव र ४ सचिव

६ आश्विन २०७८, बुधबार १८:५४
काठमाडौं । नेकपा एकीकृत समाजवादी पार्टीले पदाधिकारी चयन गरेको छ। बिहीबार विहान एकीकृत समाजवादीका शीर्ष नेताहरुको बैठकले पदाधिकारी चयन गरेको हो। अब यी नामलाई जारी केन्द्रीय कमिटी बैठकले अनुमोदन गर्नेछ। अध्यक्ष माधव नेपाल रहने पार्टीको वरिष्ठ नेतामा झलनाथ खनाल रहने यसअघि नै टुंगो लागिसकेको छ। हाल जारी केन्द्रीय कमिटी बैठकबाट […]

सम्बन्धित शीर्षक