प्रचण्डलाई हजार वर्ष कैद गरे पनि कम हुन्छ– महतो

कर्णालीपत्र संवाददाता २८ पुष २०७७, मंगलवार ०९:२२

जनकपुर । जनता समाजवादी पार्टी (जसपा)का नेता राजेन्द्र महतोले नेकपा (प्रचण्ड–माधव पक्ष) अध्यक्ष पुष्पकमल दाहाल प्रचण्डमाथि आक्रोश पोखेका छन् । संसद विघटनविरुद्ध आयोजित एक कार्यक्रममा नेता महतोले भने– युद्धताका प्रचण्डले लिम्बुवान, खुम्बुवान, थरुहट, मगरात, मधेसलगायत क्षेत्रमा प्रदेशको सपना बाँडेर हजारौको हत्या गरे । उनलाई हजार वर्ष जेल सजायँ दिए पनि कमै हुन्छ ।

राजनीतिक मुद्दामा रेशम चौधरीलाई जन्मकैद गरिएकोसँग तुलना गर्दै महतोले भने– रेशम चौधरीलाई जन्मकैद हुने भए प्रचण्डलाई एक वर्ष कैद गर्दा पनि पुग्दैन ।

नेपालको संविधानमै त्रुटि भएको भन्दै उनले संसद विघटन पनि त्यसकै परिणाम भएको तर्क गरे ।

विरोधसभालाई सम्बोधन गर्दै जसपा नेतृ रेणु यादवले प्रधानमन्त्री ओली मात्र होइन्, प्रचण्ड र माधव नेपाल पनि गलत भएको टिप्पणी गरिन् । उनले भनिन्– ओलीले प्रचण्ड र नेपाललाई चोर भन्छन् । प्रचण्ड–माधव नेपालले ओलीलाई चोर भन्छन् । तर म भन्छु– दुबै जना चोर हुन् ।

जसपा नेता बृषेशचन्द्र लालले संसद विघटनको सवालमा प्रचण्ड र माधव नेपालले मधेसको मुद्दा सम्बोधन गर्ने, संविधान अपुरो हो र संशोधन गरी मधेसी जनताको अधिकार दिलाउने प्रतिवद्धता नजनाएसम्म संयुक्त रुपमा आन्दोलन गर्न नसक्ने स्पष्ट पारे ।

Leave a Reply

Your email address will not be published. Required fields are marked *

Next Post

हुम्लामा नेकपाका दुई समूहबिच झडप, वडाध्यक्ष घाइते

२८ पुष २०७७, मंगलवार ०९:२२
सिमकोट – हुम्लामा नेकपाको ओली र प्रचण्ड–नेपाल समूहबिच झडप भएको छ। झडपमा अदानचुली गाउँपालिका वडा नम्बर १ का वडाध्यक्ष रंग थापा घाइते भएका छन्। वडा नम्बर १ को कल्ख्यामा नेकपाको ओली पक्षले वडा कमिटी गठन गरेर फर्कने क्रममा बाटोमा प्रचण्ड–माधव पक्षका कार्यकर्ताहरुले ढुङ्गामुढा गर्दा वडाध्यक्ष थापा घाइते भएका गाउँपालिका अध्यक्ष […]

सम्बन्धित शीर्षक