समान पारिश्रमिक माग्दै त्रिविका आंशिक प्राध्यापकहरु पुन: आन्दोलनमा

कर्णालीपत्र संवाददाता २ पुष २०७७, बिहीबार १६:२०

काठमाडौँ-समान कामको समान पारिश्रमिक हुनुपर्ने माग राख्दै त्रिविका आंशिक प्राध्यापकहरु आन्दोलित भएका छन्।

वर्षौदेखि काम गरिरहेका आंशिक प्राध्यापकहरुको वौद्धिक शोषण भएको भन्दै प्राध्यापकहरु आन्दोलित भएका हुन्। एक शैक्षिक सत्र पूरा गरेका सम्पूर्ण आंशिक प्राध्यापकहरुलाई करार गर्नुपर्ने उनीहरुको माग छ।

आंशिक प्राध्यापक संघका संरक्षक शशीकुमार शर्माले १५ वर्षबाट आन्दोलन जारी रहेको उल्लेख गर्दै सम्झौताहरु भएपनि कार्यान्वयन नभएको बताए। आफ्ना मागहरु पूरा नभएसम्म आन्दोलन जारी रहने उनको भनाई छ।

संघका प्रवक्ता मोहन घिमिरेले देशभरीका क्याम्पसका प्राध्यापकहरुसँग सम्झौता भएपनि कार्यान्वयन नगर्ने प्रवृति देखिएकोले धर्नामा बस्नु परेको उनले बताए।

वार्ता टोलीका सदस्य एवं संघका महासचिव राजेन्द्र गिरीले लामो समयदेखि प्राध्यापकहरु आन्दोलनरत भएपनि समस्या समाधानका लागि त्रिविले चासो नदिएको बताए। अहिले ९० प्रतिशत बढी कक्षाभार आंशिक शिक्षकहरुले लिनुपर्ने बाध्यता भएपनि काम अनुसारको पारिश्रमिक नभएको बताए।

प्राध्यापक संघले विश्वविद्यालयले ल्याएको निर्देशिका खारेज गर्नुपर्ने, प्राज्ञिक उन्नयनको ग्यारेन्टी गर्नुपर्ने लगायतका मागहरु पनि राखेको छ। प्राध्यापकहरु आजबाट त्रिवि परिसरमा धर्नामा बसेका हुन्।

Leave a Reply

Your email address will not be published. Required fields are marked *

Next Post

ओली र प्रचण्ड भेटपछि संवैधानिक परिषद् बैठक स्थगित

२ पुष २०७७, बिहीबार १६:२०
काठमाडौं । संवैधानिक परिषद्को आजको बैठक स्थगित भएको छ । प्रधानमन्त्री एवं नेकपा अध्यक्ष केपी शर्मा ओली र नेकपाका अर्का अध्यक्ष पुष्पकमल दाहालबीच बालुवाटारमा भएको छलफलपछि बैठक स्थगित गरिएको हो । दुई अध्यक्षबीचको सहमति अनुसार अध्यादेश फिर्ता लिन मन्त्रिपरिषद् बैठक बोलाइएपनि त्यसअघि नै संवैधानिक परिषद्को बैठक आह्वान गरिएको थियो । […]

सम्बन्धित शीर्षक