सहमतिविना प्रधानमन्त्रीको राजीनामा आउँदैनः रायमाझी

कर्णालीपत्र संवाददाता २३ श्रावण २०७७, शुक्रबार १७:२७

अर्घाखाँची । नेपाल कम्युनिष्ट पार्टी(नेकपा) का नेता टोपबहादुर रायमाझीले सहमतिविना प्रधानमन्त्री केपी शर्मा ओलीले राजीनामा दिन नहुने बताउनुभएको छ ।प्रेस सङ्गठन नेपालले आज सदरमुकाम सन्धिखर्कमा गरेको पत्रकार सम्मेलनमा उहाँले आलोपालो प्रधानमन्त्री बन्ने पार्टी एकताताकाको सहमति भए पनि सचिवालय बैठकमा अर्का अध्यक्ष दाहालले पाँच वर्ष अध्यक्ष ओलीलाई नै प्रधानमन्त्री बनाउनुपर्ने भनी गरेको प्रस्ताव सर्वसहमतिले पारित भएकाले सोहीअनुसार अगाडि बढ्नुपर्ने बताउनुभयो ।
पार्टी स्थायी कमिटी सदस्य रायमाझीले काम कुरो एकातिर कुम्लो बोकी ठिमीतिर भने जस्तै सीमा विवाद र कोरोना महामारी नियन्त्रण गर्नुपर्नेमा नेताहरु पदीय भुमरीमा फसेकामा दुःख व्यक्त गर्दै पार्टीको अन्तरविरोधभन्दा कोरोना नियन्त्रणमा सरकारको ध्यान जान जरुरी रहेकामा जोड दिनुभयो ।
पूर्वउपप्रधानमन्त्री रायमाझीले पाटी फुट्दा कस्तो हालत हुन्छ भन्ने हेर्न सिपी मैनाली, मोहन वैद्य र बाबुराम भट्टराईलाई हेरे मात्र पुग्ने बताउनुभयो । उहाँले भन्नुभयो, “व्यक्ति नभई पार्टी र सङ्गठन ठूलो र शक्तिशाली हुनुपर्छ ।” सो अवसरमा नेकपाका केन्द्रीय सदस्य तथा राष्ट्रियसभा सदस्य चन्द्रबहादुर खड्काले नेकपा विभाजन भएमा देश संकटमा पर्ने बताउँदै नेपाल र नेपालीलाई बचाउन तथा प्राप्त उपलब्धिको रक्षा गर्न मिलेर जानाको विकल्प छैन भन्नुभयो ।

Leave a Reply

Your email address will not be published. Required fields are marked *

Next Post

कोरोना संक्रमित थप पाँच जनाको मृत्यु, नेपालमा मृतकको संख्या ७० पुग्यो

२३ श्रावण २०७७, शुक्रबार १७:२७
काठमाडौं, २३ साउन । कोरोना संक्रमण भएका थप पाँच जनाको निधन भएको छ । योसमेत हालसम्म नेपालमा कोरोना संक्रमित भएर मृत्यु हुनेको संख्या ७० पुगेको छ । स्वास्थ्य तथा जनसंख्या मन्त्रालयका अनुसार मृत्यु हुनेमा पर्सा जिल्लाका तीन, सर्लाहीका एक र सिरहाका एक जना छन् । पर्सा जिल्ला वीरगन्ज महानगरपालिका ९ […]