Trending

बेहुला बेहुलीका लागि हिराको मास्क, बिक्री धमाधम


एजेन्सी । भारतको गुजरात राज्यमा बेहुला र बेहुलीका लागि हिरा जडित मास्क धमाधम बिक्री भइरहेको छ । भारतको गुजरातको सुरत भन्ने स्थानमा एक गहना पसलले कोरोना भाइरसको महामारीका बीच भइरहेका बिबाहका लागि बेग्लै तयारी गरेको छ ।

यो पसलले खास गरी त्यस्ता मास्क तयार गरेको छ जसको मूल्य सुनेर तपाई हैरान हुनुहुन्छ । बहुमूल्य धातु जडित त्यस्ता मास्कको मूल्य २ लाखदेखि ६ लाख रुपैयाँ सम्म रहेको छ । यसरी हिराले बनेका मास्कहरु असली पनि हुने र अमेरिकी हिरा जस्ता नक्कलीको पनि प्रयोग गर्न सकिने बताइएको छ । यो ग्राहकको रुचीको विषय भएको बताइएको छ ।

गहना पसलका मालिक दीपक चोकसीले हिरा जडित मास्क बनाउने बिचार आफ्ना पसलमा आउने विवाह हुने घरका ग्राहकहरुका अनौठो प्रकारको मास्कमो माग भएको बताए । उनले भने, ‘त्यसपछि मैले आफ्ना डिजाइनरहरुलाई विशेष प्रकारको मास्क बनाउने काम दिएँ ।’

उनीहरुले मास्क किनेपछि अरुहरु पनि सोही प्रकारको मास्कका लागि आएको दीपकले बताए । उनले त्यसप्रकारका मास्क बनाउन सुन, सक्कली हिरा र अमेरिकन हिराको प्रयोग गरेको बताए । मानिसहरु उनको पसलमा अन्य गहनाका लागि भन्दा हिरा जडित मास्क लिएर जाने गरेको बताउँछन् ।

भारतकै पूणेमा बसोबास गर्ने शंकर कुराडे नाम गरेका व्यक्तिले सुनको मास्क बनाएर लगाएका थिए । यो पुरै सुनको थियो । यसको मूल्य झण्डै ५ लाख रहेको हो ।


error: Content is protected !!