सल्ली खोलामै कुहियो तीन सय क्वीन्टल चामल

कर्णालीपत्र संवाददाता २७ माघ २०७६, सोमबार ०९:१९

सिमकोट । स्थलमार्गबाट काठमाडौं–केरुङ्ग–हिल्सा हुँदै जिल्लाको सल्ली खोला पुगेको ढुवानी अनुदानको तीन सय क्वीन्टल चामल बीच बाटोमै कुहिएको छ । चामल नभएर स्थानीयले खाद्यान्नको समस्या झेलिरहेका बेला राज्य कोषको रकमले ढुवानी भएको नेपाल खाद्य संस्थानले उपलब्ध गराउने चामल प्रयोग गर्न नमिल्ने गरेर कुहिएको हो ।

चीनको बाटो प्रयोग गरेर स्थल मार्ग हुँदै आर्थिक वर्ष २०७५/०७६ आईपुग्नु पर्ने चार हजार क्वीन्टल चामलमध्ये पुस महिनासम्म टिप्परबाट सिमकोट ढुवानी भएको चामल तीन हजार सात सय क्वीन्टल चामल मात्रै जिल्ला पुगेपछि तीन सय क्वीन्टल चामलबीच बाटोमै कुहिएको कुरा थाहा भएको खाद्य संस्थान हुम्ला शाखाका प्रमुख रामबहादुर विष्टले जानकारी दिए ।

यातायातको राष्ट्रिय सञ्जालमा नजोडिएको जिल्लामा नेपाल सरकारले ढुवानी अनुदानमा दिँदैं आएको चामल पु¥याउन निजी विमान कम्पनीले समयमा ढुवानी नगर्ने र राज्यलाई पनि व्ययभार बढी पर्ने भएपछि काठमाडौं–केरुङ्ग–हिल्साको मार्ग भएर केही वर्ष पहिले सरकारले उक्त मार्गबाट चामल ढुवानी गर्न थालेको थियो ।

गएको आर्थिक वर्षका लागि स्थलमार्ग हुँदैं सिमकोटका लागि ल्याउने भनिएको चार हजार क्वीन्टल चामलमध्ये तीन सय क्वीन्टल चामल संस्थान र ठेकदारको लापरबाहीका कारण सिमकोटबाट झण्डै १५ कोषको दुरीको सल्ली खोलामा कुहिएको हो । गएको भदौ महिनाबाट केरुङ्ग हुँदै हिल्सा पुगेको उक्त चामल असोज र कात्तिक महिना टिपरबाट सिमकोट ओसार्न थालिएको संस्थान शाखा कार्यालय हुम्लाले जानकारी दिएको छ । ढुवानी भएर सल्ली पुगेको चामल ठेकदार र खाद्य संस्थान जिल्ला कार्यालयले समयमै सिमकोट ढुवानी गर्नमा ध्यान नदिएकाले बाटोमै कुहिएको हो । तर संस्थानको सिमकोट कार्यालयले भने हिमपातका कारण ढुवानी हुन नसकेर चामल कुहिएको दाबी गरेको छ । ‘मंसिर महिनाको अन्तिम सातादेखि जिल्लामा निरन्तर हिमपात भएको छ ।’ शाखा प्रमुख प्रमुख विष्टले भने, ‘सिमकोट पुग्नुपर्ने बाँकी रहेको तीन सय क्वीन्टल चामल हिमपातले कुहिएको होला ।’ भारी हिमपातले सल्ली खोलाको एक निजी घरमा प्लाष्टिकको भरमा छोपेर राखिएको चामल कुहिएको उनले बताए ।

जिल्लाका नागरिकले एक केजी चामल पाउन गाउँबाट सिमकोटमा रहेको खाद्य संस्थानको गोदाममा ३, ४ चार घण्टाको पैदलकै दुरीमा यति ठूलो संख्यामा चामल कुहिएको प्रति जिल्लाका स्थानीयले भने विरोध गरेका छन् । बल्लबल्ल एक वर्षपछि जिल्लामै पुगेको चामल स्थानीयले पैसा तिरेर किन्न नपाउने तर बीच बाटोमै कुहाउनुको पछि चामल ढुवानीको जिम्मा लिएका ठेकेदार र संस्थानका कर्मचारी बीचको मिलेमतो हुनसक्ने शंका स्थानीयले गरेका छन् ।

काठमाडौं केरुङ्गबाट आउन ६ दिन लगाएर सल्ली पुगेको चामल बाटोमा नै कुहियो भन्नु निकै दुःखद् कुरा हो,’ सिमकोट–२ का महेन्द्र बोहोराले भने, ‘हरेक वर्ष हुने चामलमाथिको राजनीतिकै कारण बाटोमै त्यत्रो चामल कुहिएका हुन् ।’ उनका अनुसार ठेकेदारको चरम लापरबाही र ढिलासुस्तीले स्थलमार्गबाट सल्ली खोलामा पुगेको चामल सिमकोट नपुगेर बीच बाटामै कुहिएको छ ।

हवाईमार्ग र स्थलमार्गबाट हुम्लामा चामलको ढुवानीको जिम्मा लिएका चंखेली देउती बज्यै जेभिका प्रमुख धु्रब शाहीले त्यस विषयमा आफूलाई कुनै थाहा नभएको जानकारी दिए । ‘आफ्ना कर्मचारीसँग के भएको रहेछ म सोध्छु,’ उनले भने, ‘भदौ÷असोजको वर्षा र मंसिर यता परेको भारी हिमपातले चामल कुहिएका होलान् ।’ राष्ट्रिय सडक सञ्जालसँग नजोडिएको हुम्लाका यस क्षेत्रका स्थानीयबासी दैनिक पिठ्यूँमा भारी बोकेर जिविकोपार्जन गर्दै आएका छन् ।

Leave a Reply

Your email address will not be published. Required fields are marked *

Next Post

वित्तीय पहुँचमा कर्णालीका महिला

२७ माघ २०७६, सोमबार ०९:१९
हस्त बुढा जुम्ला । जुम्लाको तातोपानी–२ की मायादेवी दमाई २/३ वर्ष अघिसम्म घरकै कामका मात्रै व्यस्त हुन्थिन् । उनलाई साँझ सुतिसकेपछि पनि भोलिपल्ट बिहान गर्ने कामको चिन्ता हुन्थ्यो । घरको आर्थिक पाटोका विषयमा कुनै चासो नै थिएन । किनकी उनलाई हिसाबहिताब कसरी गर्ने भन्नेबारे थाहै थिएन । उनी २०७३ सालमा […]