अमेजनको डढेलोः ब्राजिल, कोलम्बियाबीच संयुक्त योजनाबारे छलफल

कर्णालीपत्र संवाददाता १० भाद्र २०७६, मंगलवार १४:५५

ब्रासिलिया– ब्राजिलका राष्ट्रपति जेयर बोल्सोनारोले अमेजनको जंगलमा लागेको डढेलो नियन्त्रणका विषयमा कोलम्बियाका राष्ट्रपतिसमक्ष संयुक्त योजना बनाउने बारेमा छलफल गरेका छन्।

पृथ्वीको फोक्सोको उपमा पाएको अमेजन जंगलको अधिकांश भाग ब्राजिलमा पर्दछ। यो जंगल कोलम्बिया, पेरु, भेनेजुएला, इक्वेडर, बोलिभिया र अरु केही दक्षिण अमेरिकी मुलुकसम्म फैलिएको छ।

ब्राजिलका राष्ट्रपति बोल्सोनारोले ट्वीट गर्दै भने, “कोलम्बियाका राष्ट्रपति इभान डुकुसँगको कुराकानीमा हामीले आ–आफ्नो मुलुकको सार्वभौमसत्तालाई पनि सम्मान गर्दै संयुक्त योजना बनाउन जरुरी रहेको बारेमा छलफल भयो।”

गत साता फ्रान्सको बियारिजमा सम्पन्न सात प्रमुख औद्योगिक राष्ट्रहरुको समूह (जी७) को बैठकमा फ्रान्सेली राष्ट्रपति इमानुएल म्याँक्रोले अमेजनको डढेलो नियन्त्रण गर्न सदस्य राष्ट्रहरुलाई सहयोग गर्न आग्रह गरेका थिए।

यसवर्ष मात्र ब्राजिलमा ७४ हजार पटक आगलागीका घटना भइसकेका छन् जसमा आधाभन्दा बढी अमेजन जंगलमा भएका छन्। सन् २०१८ को यही अवधिको तुलनामा यो करिब ८४ प्रतिशतले बढी हो। सिन्ह्वा

Leave a Reply

Your email address will not be published. Required fields are marked *

Next Post

१८० आप्रवासीको उद्धार

१० भाद्र २०७६, मंगलवार १४:५५
त्रिपोली – पश्चिमी लिबियाको तटीय क्षेत्रबाट आइतबार १ सय ८० गैरकानुनी आप्रवासीलाई उद्धार गरिएको छ। शरणार्थीसम्बन्धी संयुक्त राष्ट्रसंघीय उच्चायुक्तको कार्यालय (युएनएचसिआर)ले सो जानकारी दिएको हो। युएनएचसिआरले एक ट्विटमार्फत आप्रवासीका लागि लिबियाको भूमि सुरक्षित नभएको पनि जिकिर गरेको छ। गत अप्रिल महिनाको सुरुदेखि नै राष्ट्रसंघ समर्थित लिबियाली सरकार र विद्रोहीबीच राजधानी […]